يعني أيه في
تعالى يا بني لما أقولك
يعني أيه في الدنيا أبوك
يعني شمسك
يعني ضلك
لو ف يوم خلك فاتوك
يعني طبطبة الأمل
لو في ضلمة ليل رموك
ياه
ياه يا ولدي لما تعرف
انه من وجعه يفاديك
يجمع العيدان ويغزل
احلي ضله ويناديك
يعني حنيه وصرامه
يعني بسمة وبكرامة
يعني لما توطي وتبوس يوم إيديه
تعلى بيه
آه يا ولدي نسيت أقولك
الحق اتضلل بابوك واتحامى فيه
وف وجوده
شد ضهرك واعدله دا الهيبة ليه
الحق اشبع م الونس ف وجود عنيه
الحق اتحسس إديه
شعره الأبيض دي لألىء
عامله من ليلك شموع
بتضوي فيه
اصل أنا وحدي اللي حاسه
حب أبويا يعني أيه