يا بحر أيه السبب في التوهة والغارقة
أحلامنا كانت كتير
ولاهي مش فارقه
مال سكتك بعدت
موعوده بالفرقة
يا بحر مال رملتك هايمة كدا فينا
سبحنا ويا المواني
تاه الشراع فينا
لا يوم عبرنا الفرح
عبر الألم بينا
وإمتي يا بحرنا
بأمان تعدينا
عملنا منك حبيب
عملتنا مينا
عديت علينا الحبايب
والحب مش لينا
إمتى يا بحر الهوى
إمتى تلاقينا
متفرقين بالسكك
ولا الفراق فينا
ولا دا كان طبعنا
واحنا اللي ما درينا