هل الشتا
مش بس برد ورعد
البرد كله بيتلقى
وإحنا بعيد عن بعض
قالوا الجفا
مش بس بعدك عن حبيب
قولت الجفا هو بداية البعد
يا نبض سير جو وريده
اعتب عليه
طال السهر من غير عنيه
والله وكوانا السهد
كلمت قمره أسأل عليه
وناديته من بين النجوم
لقيت جبينه كأنه
مركب للهموم
ولقيته جاي قلقان كدا
قال جاي بيسألني عليه
دعيت له من قلبي أوي
يرجع لقلبي يطمنه
ويفوت قوام العند
أنا أروح معاه آخر مداه
لو حتى راح الهند
هل الشتا
مالها الليالي مطوله
ولا القلوب متحوله
ولا العقول متبرجلة
طب إيه نهاية المرحلة
إمتى دفانا يمد
وبيبان لخوفنا وبعدنا
كان نفسنا تنسد
والغربة جوا أهلنا
لما ملانا البرد
مشتاقه يوم تنفض
لو توهنا يوم من بعضنا
رجوعنا جزر ومد
تشتاق قلوبنا لبعضنا
ندفن غرامنا ف حضننا
ونتوووه كمان ف العد
ونتوووه كمان ف العد