تِعَيد الناس كلها وتلبس جديد
وجمال الفرح تتنطّر صباحه
وزينب راح ابوها وفرحة العيد
اخذهه اويا، وعافلهه المناحة
اجاهه الموت فجأه، بلا مواعيد
وعلى راس الابو خفّگ جناحه
اجه سيف الجهاله يريد تجديد
بچف خاين طبر راس الفصاحة
طُبَر راس الغيور وسيّد الصِيد
وفِتَح للحسرة والآهات ساحه
ذبَح خُضر الاماني بصُفرة البيد
ولبّس زينب من الهم وشاحه
على خدهه الدمع اصبح أخاديد
اوبِحْشاهه الاجل غرّس رماحه
غزت ايام هيبتها التجاعيد
عليها الحزن من هبت رياحه
دِفَن حلم اليتامه بغير تعميد
ابْلِحِد نسيان واراه ابجِراحه
حيدر راح بعد الآه شتفيد
اذا وكت الفجر اعلن رواحه