تحت القدم وجه المنافق وما قال
لين المنافق ينعمي في ضلاله
والله ما فكرت في حكي الأنذال
وأيش أنتظر من طيب لأهل النذالة
كثر الحكي لكن واين أهل الأفعال
وهرج المنافق ما يستر خماله
ناس كبار جسوم وعقولها أطفال
متعودين على دروب الفشالة
في الكذب والبهتان والغيبة أبطال
وعند الحقيقة كل أبوهم حثالة
أبيع رفقة كل دجال بريال
وأساوم الشاري ولا أخذ رياله
الروس نعرفها وندري بالأذيال
واللي يمين الدرب واللي شماله