وَل يا هذا الزمان القيلباني
كيف يرضيني بشينٍ ما رضيته
دورة الأيام ما فيها أماني
احترس من غدرها يا اللي نسيته
لا تقول علمي يباله ترجماني
الخبر واضح ليامنك قريته
واحمد الله واشكره فيما بلاني
يا الله ألطف بعبدك لا بليته
والله إنه ما نسى ذكرك لساني
يا عظيم تخلق الحي وتميته
كم رفيق ساعة الشدة نساني
كنت أظنه مثل أخوي إلى نخيته
واكتشفت إنه كذوبٌ وبهلواني
يدرق ويروغ لو أني نصيته
كيف لو وقتي على مثله حداني
كيف لو إني على حاجة رجيته
وكم صديقٍ من بعيد الأرض جاني
لو بغيت أوفيه حقه ما وفيته