تهجر وتنسى
ياحبيبي
اهجر وانسى بس لوحدك
واجرح القلب اللي عاش
عمره يحلم يبقى جنبك
واهجر العين اللي شافت
روعة الجنة في حبك
وابعد الروح اللي مدت
بالمحبة تماللي قلبك
واوعى تطلب مني أنسى
واوعى تطلب مني اهجر
لا ياروحي إوعى تطلب
أو تحاول أو تفكر
مش اشوف ايام تجيني
بحب تاني من جديد
وانت حبك آه ياعيني
شيء حقيقي وشيء أكيد
بس أعمل إيه في طبعك
ليه بتهجر ليه بتنسى
ومهما كنت بعيد ياروحي
ممكن اصبر مقدرش أسلى
عايز اعرف ايه جرالك
وليه تخليني بحالي
هوه حبي مش في بالك
زي ما حبك في بالي
مش كنت دايمن بتناديلي
انت حبي اللي ف خيالي
وكنت تنده لي بقلبك
وعشت بيك احلى الليالي
ايه اللي غير عني طبعك
وليه تلوعني في بعدك
فيه حد غيرى مال له قلبك
آه ياويلك من ضميرك
لو كنت اعرف كنت اقول له
قبل كده كان مال لغيرك
مش اشوف ايام تجيني
بحب تاني من جديد
وانت حبك آه ياعيني
شيء حقيقي وشيء أكيد
بس أعمل إيه في طبعك
ليه بتهجر ليه بتنسى
ومهما كنت بعيد ياروحي
ممكن اصبر مقدرش أسلى
الذكريات ليا لوحدي
رايح اقول ع الذكريات
يوم ماكنت تماللي اشوفك
بانسى عمري اللي فات
والا لما باحس ايدك
واعيش معاها بالساعات
والا يوم مايجيني طيفك
واشوف معاه حلو الصفات
يومها بابقى حاجة تانيه
طايره بتضم السحاب
طايره نشوانه بحبك
ناسيه ايام العذاب
مش اشوف ايام تجيني
بحب تاني من جديد
وانت حبك آه ياعيني
شيء حقيقي وشيء أكيد
بس أعمل إيه في طبعك
ليه بتهجر ليه بتنسى
ومهما كنت بعيد ياروحي
ممكن اصبر مقدرش أسلى
مع تحياتي
عاشق الورد
حسني جاد