جاتني وزي ماجاتني فاتتني
شبكت قلبي وبس سابتني
طيب ليه ما انا كنت ف حالي
بارضي أنيني بدمعه خانتني
جاية تصحي الحلم النايم
واهي صحيته بس رمتني
أعمل أيه في القلب الهايم
أعمل أيه بعد ماخلتني
عامل زي غريق باستنظر
مدت أيدها ان شدتني
والله حرام دا كتير على قلبي
رحمة لقلبي من اللي باعتني
أنا مش قادر انسى كلامها
حتى ان كانت هيه نسيتني
آه لو باعرف بس طريقها
والله ماخلي خيالها يفوتني
حتى ان كان في طريقها هلاكي
ح امشي طريقها لو موتني
عايز اطمن بس عليها
وعايز أعرف ليه كرهتني
عايز اسألها ليه ماعادتشي
بتسأل عني وليه ظلمتني
جاتني وزي ماجاتني فاتتني
شبكت قلبي وبس سابتني
طيب ليه ما انا كنت ف حالي
بارضي أنيني بدمعه خانتني