مين اللي قال
إني ح انسى ف يوم هواك
مين اللي قال
إن روحي راضيه بجفاك
وانت قلبي أنا
وانت روحي أنا
وانت معايا ياحياتي قلبي بيعيش في هنا
وانت ربيع عمري وحبي وانت ياروحي كل المنى
انا إن داريت الحب عنك
أو حبسته في قلبي منك
ماعنيا أكيد ح تقوللك
او روحي أكيد ح تبوح لك
والحب ينطق من عينيا ويندهك
ويدق قلبي لما يسمع خطوتك
ينده يقولك ياحبيبي
بالحب وحده بعشقك
وانت قلبي أنا
وانت روحي أنا
وانت معايا ياحياتي قلبي بيعيش في هنا
وانت ربيع عمري وحبي وانت ياروحي كل المنى
عايز تعرف إيه ومن إمتى
حبيتك وفضلت أحبك
حبيتك من أول نظرة
خطفيتني ورمتني ف حضنك
وعيونك في ساعتها ناديتني
ياحياتي ياروح قلبي بحبك
ولاقيت نفسي بتجري عليك
ولاقيت روحي بتهتف بيك
وبنهاري وليلي أحلم بك
وتماللي مشتاق لعينيك
دانت قلبي أنا
وانت روحي أنا
وانت معايا ياحياتي قلبي بيعيش في هنا
وانت ربيع عمري وحبي وانت ياروحي كل المنى
نفسي تصدق.. لما أقولك
إنك وحدك.. حب حياتي
حب إختارته بمحض إرادتي
حب ملالي كياني وذاتي
حب العالم جنبه صغير
لكن حبي أكبر بكتير
لا بيتبدل ولا يتغير
زى الشمس بنورها أسير
هوه دا حبي شئ غير عادي
مهما تقول ملهوش تفسير
وانت قلبي أنا
وانت روحي أنا
وانت معايا ياحياتي قلبي بيعيش في هنا
وانت ربيع عمري وحبي وانت ياروحي كل المنى