عايز تعرف أيه اللي حايشني
عنك ياللي انت مغلبني
اللي حايشني ان انت ف قلبي
وعايز أعرف ليه بتتعبني
دانا باهديلك شوقي وحبي
بس تماللي انت معذبني
آه ياعذابي وقلة بختي
آه م الحب اللي مدوبني
هوه انا عارف اعيش واتهنا
هوه انا شايف حاجة تفيدني
لما باحس ان انت قصادي
القى عمايلك ليه تبعدني
رحمة شوية دا قلبي حنين
فيه ايه يعني لما تاخدني
والا اكمنك غالي عليا
وبنسي قساوتك ياللي كايدني
القاك جاي تتمخطر دايما
وتقول أي كلام بيغيظني
ليه بتغيير طب مانت عارفني
وانك حبي اللي حيسعدني
ارحم قلبي بلاش تعاتبني
فين راح عطفك ياللي ظالمني
عايز اشوف الضحكة بعيني
عايز اسمعها يلا جاوبني
دانا من غيرك أصبح تايهه
من غير حبك حتموتني
تعرف لو نسيتني الدنيا
بس أشوفك تبقى لاقيتني