قلة حيلة والله ياعمي
تشكي ف همك واشكي ف همي
طيب قوللي بس ياسيدي
ليه دلوقتي تعكر دمي
قبلك قلت وعدت كتير
وناديت برضو بالتغيير
كان في جوابهم اسكت اخرص
والا عاملنا فيها كبير
ضربة كف حتنسى حياتك
تنسى عيالك تنسى مراتك
وان عليت الصوت راح تلقى
ميت شلوت جايبينلك داغك
اسمع مني بلاش تتكابر
أصل زمانَّا زمان القادر
خليك دائما وسط الزحمه
واوعاك تنسى وخليك فاكر
جنب الحيطة اتفضل وامشي
وبلاش دوشه ماتستهبلشي
وان حسيت بغراب ف دماغك
قصقص ريشه عشان مايطيرشي