كل مابنسى
كل مابنسى القاك بتجيني
وتفكرني بجرحك تاني
كل مابمسح دمعة عيني
القاك جايني تزيد أحزاني
نفسي تروح أو تبعد عني
نفسي أعيش مرتاح البال
ليه من تاني جاي تظلمني
مانت عذابي ومر الحال
هيه الدنيا دي ضاقت بيك
جي لعندى بجرح ايديك
وبتسقيني مرارة كاسك
طب إرحمني الله يخليك
هجرك غدرك مر خداعك
خلوا القلب خلاص مقفول
حتى مكاني ماعدتش مكانك
مش راح اسامحك مهما تقول
قلبي ما عاد يتحمل تاني
جرح حبيب أو ضحك عذول
عايز اقولك كلمة أخيرة
روح وانساني وعيش أحلامك
أنا مرتاح ونسيت الحيرة
وانت الدنيا أهِه قدامك
حب براحتك بس ف غيري
واخدع واغدر ناس تانيين
أصلي انا شلتك من تفكيري
وعمري ماعيش من تاني حزين