ابتدينا يابنت الناس
ومشينا الطريق
اتقابلنا وفي الأساس
على إني صديق
النهارده ايه حصل لي
شيء عجيب أنا معرفوش
والنهارده قلبي خدني
لشيء غريب انا مفهموش
عرفينى إيه حكايته
هوه دا الحب ف بدايته
واسمحي لي بالسؤال
بانتظر منك اجابته
هوه ايه اللي حصل لي
هوه ايه اللي جرى لي
هيه قصة حب حلوه بتبتدي
لسه في خيالي
والا نسمة حب هاديه
تدخل القلب بحنان
رايح اقول
لو كان دا حب
ياريت عرفتك من زمان
فين جوابك ياحياتي
بانتظر منك جواب
واكتبي لي ياحياتي
كلمة الرد ف خطاب
واسمحي لي تاني اقابلك
أو أعيش بالقرب جنبك
هيه بداية وابتديتها
مستحيل البعد عنك
عرفينى إيه حكايته
هوه دا الحب ف بدايته
واسمحي لي بالسؤال
بانتظر منك اجابته
هوه ايه اللي حصل لي
هوه ايه اللي جرى لي
هيه قصة حب حلوه بتبتدي
لسه في خيالي
والا نسمة حب هاديه
تدخل القلب بحنان
رايح اقول
لو كان دا حب
ياريت عرفتك من زمان
خلّيني أتخيل جوابك
والجواب كان بالإيجاب
يبقى انا نُلت السعادة
يبقى انا مسكت السحاب
واحكي للناس فرحتي
وأعيش معاكي ف دنيتي
واخدك معايا لجنّتي
أما الجواب
لو كان سراب
أو حتى كان كلمة عتاب
ح ارضى بنصيبي وقسمتي
بس اللى باترجاه
منك وباستناه
تفضلي طول الحياه
أحلى صديقة ف دنيتي
عرفينى إيه حكايته
هوه دا الحب ف بدايته
واسمحي لي بالسؤال
ح انتظر منك اجابته
يبقى ايه اللي حصل لي
يبقى ايه اللي جرى لي
هيه قصة حب حلوه بتبتدي
لسه في خيالي
والا نسمة حب هاديه
تدخل القلب بحنان
رايح اقول
لو كان دا حب
ياريت عرفتك من زمان