لله در الظروف اللي تبكيني
خلتني اشوف شيٍ كنت ماشوفه
على الاقل استريح اذا بكت عيني
والموقف اللي صدمني شلت معروفه
احسن من الكذبه اللي تسرق سنيني
سنين راحت مهي ب سنين مخلوفه
ودي بها روحت ما عاد يمديني
اشوف منها الموادع يكثر حسوفه
انا هموم البشر ماعاد تعنيني
ماعاد احس بضعيف يشكي ظروفه
احساسي العذب مات بحد سكيني
واللي بدا بالجريمه مات من خوفه
واحلامي اللي تبيني وينها وويني
اشوفها في يدين الخلق مقطوفه
احسّها في عيون الناس تبكيني
تذوب منها الدموع بعين مكفوفه
لا تذرفي الدمع روحي يابعد عيني
اهدافنا للزمان تصير مكشوفه
كن القصايد ليا غنيت ترثيني
معزوفه الموت ماهي ب اي معزوفه
يضيع كل التعب في راحة يديني
نفضت منها بقايا تربه الكوفه
اللي يحط العمامه ينسب حسيني
لو كان نطفة سلاله غير معروفه