لله در الظروف اللي تبكيني
خلتني أشوف شيٍ كنت ما شوفه
على الأقل استريح إذا بكت عيني
والموقف اللي صدمني شلت معروفه
احسن من الكذبة اللي تسرق سنيني
سنين راحت مهي ب سنين مخلوفه
ودي بها روحت ما عاد يمديني
أشوف منها الموادع يكثر حسوفه
أنا هموم البشر ما عاد تعنيني
ما عاد احس بضعيف يشكي ظروفه
إحساسي العذب مات بحد سكيني
واللي بدا بالجريمة مات من خوفه
وأحلامي اللي تبيني وينها وويني
أشوفها في يدين الخلق مقطوفه
احسّها في عيون الناس تبكيني
تذوب منها الدموع بعين مكفوفه
لا تذرفي الدمع روحي يا بعد عيني
أهدافنا للزمان تصير مكشوفه
كن القصايد ليا غنيت ترثيني
معزوفة الموت ماهي ب أي معزوفة
يضيع كل التعب في راحة يديني
نفضت منها بقايا تربة الكوفة
اللي يحط العمامة ينسب حسيني
لو كان نطفة سلالة غير معروفة