لله در الظروف اللي تبكيني
خلتني أشوف شيٍ كنت ما شوفه
على الأقل استريح إذا بكت عيني
والموقف اللي صدمني شلت معروفه
أحسن من الكذبة اللي تسرق سنيني
سنين راحت مهي ب سنين مخلوفه
ودي بها روحت ما عاد يمديني
ولاني من اللي لاراحت يكثر حسوفه
أنا جميع البشر ما عاد تعنيني
ما عاد احس بضعيف يشكي ظروفه
إحساسي العذب مات بحد سكيني
واللي بدا بالجريمة مات من خوفه
ما فيه راحه تعادل راحة يديني
مسكت فيها السنين وجتك معسوفة