لله در الظروف اللي تبكيني
خلتني اشوف شيٍ كنت ماشوفه
على الاقل استريح اذا بكت عيني
والموقف اللي صدمني شلت معروفه
احسن من الكذبه اللي تسرق سنيني
سنين راحت مهي ب سنين مخلوفه
ودي بها روحت ما عاد يمديني
ولاني من اللي لاراحت يكثر حسوفه
انا جميع البشر ماعاد تعنيني
ماعاد احس بضعيف يشكي ظروفه
احساسي العذب مات بحد سكيني
واللي بدا بالجريمه مات من خوفه
مافيه راحه تعادل راحة يديني
مسكت فيها السنين وجتك معسوفه