هذا الرجل ابمدحه قدر الامكان
وانا ادري انّه ثالث الجدي وسهيل
من كثر ما تذبح يمينه من الضان
اذا حضر تجفل جميع المطافيل
يقوله اللي شايفه شوف الاعيان
تقول قطعان الغنم كلها حيل
لو البهايم عندها قلب ولسان
تدعي عليه بسجدةٍ آخر الليل
وتكتب عن افعاله الى حقوق الانسان
يكفي تقول الاسم من غير تفصيل
ياعيد ابن راجي لك الطيب عنوان
مثلك من اللي يتعبوون الرجاجيل
الكل يفخر فيك ياذرب الايمان
تاريخ نفخر فيه جيل بعد جيل
من كثر م اسمع عنك ياطير حوران
كن الكلام مقدم في فناجيل
اقدع من افعالك وانا حيل طربان
مثل القناد اللي مع البن والهيل
يا مقدم للضيف حشو وخرفان
والعود الازرق والدلال المباهيل
من لابةٍ تفخر بهم كل ويلان
عدوهم من باسهم يشكي الويل
اشاجعة فرسان من روس فرسان
يوم انها بالسيف والرمح والخيل
واليوم نحمد ربنا عالي الشان
اللي حمى بيته ودمر هل الفيل
نعيش وسط المملكه مثل الاخوان
في عهد منهو لاعطا يوفي الكيل
في ظل اخوه نوره وفي عهد سلمان
ومحمد اللي رؤته كنّها السيل