الشعب طاب واستوي والبياعين في نعيم
وخلاص ياناس اختفي القرش والمليم
والبيضه صبحت بنص ريال كمان يافطيم
أما الفلافل كمان عايزه لها قلب سليم
توزنها تطلع بسعر اللحم ف الأقاليم
ولمونه واحده بشلم خضره تقول برسيم
والقوطه إحفظنا منها يارؤوف ياحليم
مش حشتريها ومراتي صممت تصميم
تنساها خالص مدام طلعت لفوق يافهيم
وتروح علي الفرن تشبع نقوره وتقطيم
وتروح تجيب كيس لبن ع الوش عامل ريم
يسد نفسك إذا شربته وتبقي سقيم
وشله فالصو بتتحكم ف ناس تحكيم
وهما عيله وأنا وانت غريب ويتيم