مايدفي الروح في ليلة شتا بارده
الا اشتعال القصايد باعذب ابياتها
اللحظة الملهمه والفكرة الشارده
والكلمة اللي يشع النور من ذاتها
والنظرة اللي لجنحان المدى فارده
تلمس نجوم السما وتغير اوقاتها
وزحام الاشواق والافكار متوارده
واجمل ليالي العمر وابلغ علاماتها
وين اللي تمر نبع اشعاري وتارده
وتسقي جفاف الليالي من صباحاتها
اقول: منك القصايد كلها وارده
وتقول لآخر قصيدة قلتها: هاتها
من بعدك الشعر كيف اهواه واطارده
ومن بعدك الروح من يدفي ارتعاشاتها
ياملهمة شعري الفاتن ويا ماردِه
يا اجمل قصايد حياتي واعذب ابياتها
كل القصايد غدت في غيبتك بارده
وكل الليالي ملل وطوال ساعاتها