خلاص عن طيش الهوى قلبي سما
ماعاد له في ناظري سحر .. وبريق
رمّد حنين الشوق واحساسي .. كما
غصن ٍ تعرّى للهبايب .. والحريق
ماعاد لايام الهوى عندي ظما
رويت من زفرات حزنه والشهيق
وماعاد لك في عالمي ارض وسما
اصبحت في كتاب الهوى سطر عتيق
والخافق اللي كان لك زاد وحما
اليوم صار بخطوة اوهامك يضيق
شف كيف مريت آخر اعماقي .. وما
تركت لك فيها أثر حي وعميق
وشف كيف حررت القناعات .. ونما
من سرمديات المسا .. صبح ٍ رشيق
يغرقني بضيه .. وياخذني لما
يرسم لخطوات الفرح فيني طريق
خلاص بحيا في حياتي مثلما
يعيش غيري حر باحلامه طليق
مادام قلبي عن هوى غيره سما
ومادام ما للحب سحر .. ولا بريق