الخوف من باكر سرق لذة اليوم
و لا قدرنا نمنع اللي نخافه
نطول التفكير والرزق مقسوم
ضاع العمر بين الرجا والحسافة
الوقت ما يوقف ولو عشت مظلوم
و الظلم الأكبر في العتب والكلافة
تلوم كلّ الناس وش فادك اللوم!
السمْح، راعي الطيب محدٍ يعافه
قلوبنا خضرا على فطرة القوم
الين سهم الحب يرمي شغافه
لا تقول أحب وتشتكي قلة النوم
الحب دايم لوعته في اكتشافه
عن الخطأ يا صاحبي منت معصوم
لكنّ جلد الذات لا شكّ آفة
خلّ الرضى لك منت بالغير ملزوم
ذي سنّة الله في الزمن واختلافه