ملاكي

ملاكي ..

يا ملاكي

ما هوَت روحي سواكِ

بسمة الورد و خجلها

شمعة الأرض و أملها

بهجة النحل و عسلها

هالتك سرّ ارتباكي

ياللي أعشق ضحك سنك

ياللي أضعف عند حزنك

ياللي شِعري ضاع منك

ما عرف يوصف بهاكِ

يا قمر في ليل ياسي

يكفي صرتي كلّ ناسي

لو شكى لي ألف شاكِ

ما علي منهم و ربي ..

أنتِ في عيني ملاكي

وش أقول!

كيف بس طيبك و طهرك ..

يتركونه للذبول!

كيف أغلى الناس قدرك ..

ترخصه لأجل العذول!

ما لهم عندي حلول

ما لهم ذرّة قبول

ليتهم يستاهلونك

حتى لو ما يفهمونك

كلّهم فدوة عيونك

فدوتك حتى هلاكي

يا قمر في ليل ياسي

يكفي صرتي كلّ ناسي

لو شكى لي ألف شاكِ

ما علي منهم و ربي ..

أنتِ في عيني ملاكي