"لا ولا همّك" أشقْ صدري بْيدي
وأكشف اللي ما ظهر لأحدٍ سواك
تبتعد عني وأنادي "سيّدي"
كيف أداري الجرح عن هذا وذاك!
ودّي تفهم يا حبيبي مقصدي
إنّ حبي لك حقيقة، وش بلاك!
ودّي تعرف كلّ شيْ من مولدي
عن حياتي لأجل أكمّلها معاك
ما كأنّ الحبّ زارك يا بْعدي
وأجمل الأيام ترميها وراك
ليه تبغانا من أوّل نبتدي
للغريب اللي نكر ياسه وجاك!
بسّ مرّة نكْسر الحظّ الردي
ونْتعلم من خطاي ومن خطاك
أنت نجمة دنيتي، فيك اهتدي
يا عساني ما انحرم شوفة ضياك