لو تحب إنسان..
ما تمل من منظر عْيونة
لو يشوفك تشعر بْتخدير
كلّ شيء تشوفه بعيونه
ما في غيره يشغل التفكير
ولو تبيع الكون لعيونه..
عادي ما تحتاج أي تبرير
لو تحب إنسان..
أغلى كلمةّ حبّ من دونه
ما لها قيمة ولا تأثير
ولو نطقها والخجل دونة
ينبت جْناح الهوى وتطير
ما تتخيل عمرك بْدونه
العمر لولاه ما به خير
لو تحب إنسان..
مهما قال أشياء مجنونة
تفهمه وإن ما لها تفسير
مهما جنّ وثار بجنونه
ما يهم، برد وسلام وخير
هذا معنى الحبّ وجنونه
ولو بقلبك أي شعورٍ غير..
لا تقول إنك تحب إنسان