لوحة أستعراض الفلاحين
الفلاحين
النور بالنور بيتقابل
يامصر يام السنابل
يام الغيطان الطراحة
لو إديناها جهدنا
هنكبر وهنبقى فى راحة
ولا حد فى العز أدنا
وتهنا الأجيال من بعدنا
فى الشدة والكرب تتفائل
النور بالنور بيتقابل
يامصر يام السنابل
النور بالنور ف الملامح
والمصرى دايما مسامح
لا كان غدار ولا جارح
وخفة دمه بتزين المطارح
فى الشدة والكرب يتفائل
النور بالنور بيتقابل
يامصر يام السنابل
عايشين بسماحتنا وبحبنا
بالخير وببركة من ربنا
هو اللى وهبنا مصريتنا
خلقنا أحرار بحريتنا
فى الشدة والكرب نتفائل
النور بالنور بيتقابل
يامصر يام السنابل
النور بالنور مالى قلوبنا
حى ع الفلاح تتسهل دروبنا
وحى الجهاد نواجه عيوبنا
مش هيليق علينا إلا توبنا
أحنا وكل جيل من بعدنا
فى الشدة والكرب تتفائل
النور بالنور بيتقابل
يامصر يام السنابل