دمعي اللي ما مسحته غير توي
وجرحك اللي صار فيني كالعلامة
والله إني فيك مدري ويش اسوي
جيتك بحب ومودة واستقامه
لو يسوي ما تسوينه عدوي
قلت عادي هذا حقه وانتقامه
بس كيف اللي سكن بري وجوي
وكنت واقع في هواه وفي غرامه
لو تشوف الجرح فيني وش مسوي
عشت بشعور الطفل لحظة فطامه
كنت في ظلماه كالبدر المضوي
ورغم هذا ما جنيت إلا الندامة
من جروح الوقت غارق ومتروي
ورغم ما بي ما اعلن القلب انهزامه
من خلقت أشعر بعزي وبسموي
ورافعٍ نفسي عن الذل ومقامه
والوداع اليوم ما فيها تروي
والله إن البعد عن قربك سلامه