عجزت أنام ونبرة الحزن بأذني
والله واللي خالقك منك تعبان
من زعلك قولي دخيلك لأني
أجلس من البارح على فم بركان
يابنت يبشر بالسعد من زبني
لو جارحك أبويه ماعاد له شان
دامك زبنتيني عن الضيق دني
في شاربي أنتي ولو كان ماكان
هذا وعد مني ورديه عني
اللي يهينك وأنا ع الأرض ينهان
تحيزمّي في جابر الشعر وغني
وأنا لعينك والله لصلخ لك أنسان
مبا فعينه عيني وبسّنه سني
أبيه كله لأحمر الدم ضميان
صبرك شوي أجيب دمّه وتحني
حني شعرك وكفك بدم خوان
لايزعلك مخلوق عيشي وتهني
أنا الدوا لأهل التعاطي والأدمان
اللي فقد عقله يبا يفتكرني
لامن حضر أسمي صحى كل سكران
والله واللي خالق الشر مني
واللي خلق جابرك في روح شيطان
لطبخ بقدر الموت أنس ٍ وجني
أنا عذاب اللي جرح بنت عتبان
ماجابته أمه ولاهوب مظني
من يجرحك في حرف لو كان غلطان
مدام جابر حي لك أطمأني
وإن مات جابر صورته تضدّ شجعان