ياموتك أنتي يا أنا أموت وأرتاح
مافيه غير الحل هذا من الآخر
واللي يعيش بيعرف إن الغلا راح
ولا يعود اللي أندفن بالمقابر
الموت أرحم من حياة ٍ بالأتراح
مليت أقول إن الفرج جاي وناطر
لو للمنايا سيوف أنا عشقي أرماح
أوجاع شقّة صدري تنهي وتامر
ودي بموتي منك وأنتي لي ذباح
عشان قبل أموت أبوس الخناجر
تعبت وقلبي على غصن الشقا ناح
ماعاد فيني حيل بالصبر أكابر
محروم منك ومن حواليك بأفراح
يسعد صباح الجامعه والدفاتر
ماغير أنا أتخّيلك ويطيح تفاح
عجزت أحل اللغز والغيم شاطر
كنت أحسب إني فاهم وماخذ أوشاح
قبل تقولي ياحلو روح ذاكر
والحين جيتك طير ٍ وذيب وسباح
ومجنون وعاشق كلها وسط شاعر
لاتقولي أصبر والصبر داخلي فاح
وأحرق ثيابي جمر من كبد صابر
يممت لك وجهي بعد بارقك لاح
وأطوي لك البيدا بكف المخاطر
معبودة الحسن إنخلقتي بمصباح
والليل أسلم عقب ماكان كافر
منك أنشرح ليل ٍ به آلام وأجراح
ويرتلك مهووس ٍ أيام ساهر
كان العمر عندي على شكل مسباح
الخيط روحي والخرز أمس وباكر
والخيط بيدك صار بس الخرز طاح
تكفين لمّي كلي اللي تناثر
مدري وش اللي باقي ٍ فيني ماصاح
كل الضلوع الحدب منك تزافر
والله واللي حط بأجسادنا أرواح
إن كان متيّ لينبش القبر جابر
ودي أموت ولا تموتين أبرتاح
أخاف لو متيّ أحفر المقابر