قد الكلام اللي أقوله واللي أذنك تسمعه
وكل كلمه قلتها لك والله أني قدّها
كف أيدي فوق خدك والله أني لطبعه
مثل ماهو طابع بوجه السنين وخدّها
أتق شر الحليم أذا غضب من يمنعه
كل هالدنيا على راسك يبا يهدّها
المستحيل اللي تقوله من غيري يصنعه
من خلقني ربي وأنا كل صعبه ندّها
بايع ٍ عمري ولاني ناوي ٍ أسترجعه
والثمن ماخذه مبطي بالسيوف وحدّها
ياقليل العرف خلك ساجد ٍ ( بالصومعه)
وأحمد اللي خالط بسبع القبايل عبدّها
أن كنت جاهل أنشد وكل ٍ يحدد موقعه
ولاتلخبط يالغبي بين الهزال وجدّها
هاك العلوم وثوبك اللي فوق ظهرك بنزعه
وجهك أسود مثل ليلك كان تبغى تعدّها
ياغبي غرك زمانك وأعجبتك الأقنعه
وأنت كنت تبوس رجلين الرجال ويدّها
أبوك وجدك سيف جدي يبرده ويلمعه
ولاّ يسرح في نياق القوم وبرضوا يردّها
ياغبي حنا هل الطولات وأهل المعمعه
يومك أنت تحنّي شعر أختك أو تكدّها
الردا لو قيل عنا كل لسان ٍ نقطعه
وكل عين ٍ فعلنا لاشافته بيسدّها
شاربين الموت من سن الطفوله نجرعه
نارد أحياض المنايا ونرتوي من عدّها
حنا حنا من خلقنا ماخلق من نتبعه
ولانصافح كل يمنى بالخضوع نمدّها
ألف مثلك وألف غيرك لانووّ بالزعزعه
واحد ٍ منا بعصاه ألفينكم بيصدّها
ياخبل حنا عتيبه وكل حي ٍ نفجعه
حاكمين الأرض طول وعرض وحنا مجدّها
نذبح الحايل كرم وكل عايل نقمعه
ويرحم الله من نوتله الركاب وشدّها
كم شيخ قوم مننا قام يتهاطل مدمعه
نجد العذيه بالسيوف الحدب فزنا بودّها
أنا تاج فوق راسك تنحني وتوضعه
والمعاني واضحه وكل كلمه بقصدّها
وبارد الوجه اللي مثلك بيدي قلبه أمصعه
وآكله مثل الذبيحه كيف ناكل كبدّها
ياغبي ثمن كلامك في حدود المنفعه
والقبايل خلها مايكسي عظمك جلدّها
الزمن لو مايطيعك قالو أنت اللي طعه
وأنا ماأطيع الزمن وهالمقوله ضدّها
للصداقه حد دام حنا في وسط السعه
أو ترى بلعن أبوك مع الصداقه وجدّها