لو كانت أفكار القصايد ماتجي بنزف النخاع
ماكانت أغصان الحروف بّدم حبري وارقه
تجتاحني أحيان رغبه بس ؟ أخشى الأندفاع
لاني أعرف الديمه تمطر بس ماهي بارقه
المستطيع اللي أعرفه شي غير المستطاع
متشابهين حروف لكن بالمعاني فارقه
والمستحيل إحساس يأس وموت عزمك بأقتناع
عكس السهل مسمار واحد وأبتلاااا بمطارقه
ماقلت أني منتظر والوقت فرصه أو ضياع
لكن تعبناا نستحي ياوجيه ماهي عارقه
جدًا طبيعي وضعناا ياطاولات الإجتماع
اللي عطناا باليمين مّناا ب يساره سارقه
الحر رجل ٍ يشتري ماهوب يشرى أو يباع
حناا عبيد الله حتى ؟ لو نكون أفارقه
وش الجديد ولاتزال أجسادناا ضمّيا وجياع
الفقر يدفناا - وبحر المال أحيااا غارقه
حنا خلقنا في صحاري وأنحرمنا بالرضاع
رمح القهر فكبودنااا مبطي شقانا زارقه
ياهيه ماأكذب ولا أفرض عليك ؟ الإستماع
بس الحقيقه أندلسناا ماسأل عن ؟؟ طارقه
الشعر ماهو بّس غزل في خّد وعيون ٍ وساع
ولاهو بحكي ٍ فوضّوي أصففه في ؟ آآرقه
تسألني ويش العشق ومنهو اللي أغليته وضاع
وتسألني عن الليل وأحساسي وخوف ٍ دارقه
العشق تابوت الغلا وتموت به يوم الوداع
واللي تموت مودّعه : يعيش وأنت مفارقه
والليل موت النور ويبقى فيه وجّه أمي شعاع
والصبح شمس ٍ في جبين أبويه تطلع شارقه
أحيان أحس الأرض فوقي والمطر نخله وقاع
وأحيان أحس الجمر تحتي يشتكي من حارقه
واللي أخاف أني أقوله يابخت أهل الرفاع
واللي بقوله دون خوف أشحال ؟ أهل الشارقه
راحت سباع ولانشوف اللي بقى غير أسس ( باااع )
لو عاش ( عمهووج ) الدهر صعب يتكرر مارقه