ياحايره من خنجرك تاج عمي
يوم انتهيت من العنا ابتديتي
قومي تعالي اجرحيني وسمي
ماهي غريبه للخفوق ان قسيتي
بلي عرق الليل من بحر دمي
وسقي سنينٍ ظاميه لو بغيتي
ياما ارتوي من دم الايام كمي
وياما عطيت من الزمان وخذيتي
اخذي بعد من فايض الصدر لمي
كلي جروحٍ واجمعي ماهتويتي
لو ابتسم وقت بدي العام ذمي
ماخانني صدق الغرام ونسيتي
عمري مضى ومن اول العمر همي
وانتي خذيتي من الفرح واكتفيتي
وانا الفرح لو اعشقه صار غمي
وانتي الفرح ومن الفرح لو بكيتي
وانا الحزن ودروبه السود يمي
وانتي ضياع وباول العمر جيتي
انا الشقاء من المهد وسط فمي
وانتي علي كف السعاده ربيتي