بلاش نعيد بالموضوع مدام النّيه الفرقا
عن أذنك لوتكرمتي وأنا أعرف وشهو ؟؟ الباقي
وداع لعذرك التافه وكذب جفونك الغرقا
وداع لزيف أشواقك وصدق وطيب أشواقي
فمان الله والذكرى ؟ فراشه لونها زرقا
على ورد الضمير تعيش وتعشق ريحة أخلاقي
تغطيها الضلوع العوج هاللي نصفها حرقا
وتسلا في بساتين الحنايا وروض خفاقي
فمان الله والباقي سنين وجيهها عرقا
أخاف أخدش حياها لو أبوح بحلمك الراقي
وداع ومّره قلتيها ؟ شقيّ ومن عاشرك يشقا
وأنا من يوم قلتيها وأنا أعرف ؟ ودك أفراقي
نسيتيني ؟ إلاهك بالشعر يالراهبه الحمقا
نسيتي كم ركعتي ثم سجدتي فوق أوراقي
تركتيني ؟ لجل خدي عليه من الزمن صفقا
صفقني فقري وجوعي وعمر ٍ أنخلق شاقي
تحدتني سنيني وأنكسرت ونيتي طرقا
تمنيت الطموح اللي تحقق لحضة أغراقي
ولكن أعرفي بالله ؟ وحق الغرب والشرقا
وحق النجم والكوكب وغيم ٍ هل براقي
قنوع وعزتي فوق احتياجي توقف وترقا
تعلمت الشموخ من النخل لو عافه الساقي
وسّري ماعرفه أنسان ؟ ولكن تعرف الورقا
أهي تعرف سبايب جرح ؟ عاش سنين بعماقي
سبب هالجرح ؟ أنزف هالقصايد وأرحل وتبقا
يرددها ؟ بعد موتي جماهيري وعشاقي
فمان الله ولو بعشق بدّور غيرك وبلقا
وأنتي لو تحبين السما غيري وين أتلاقي