كم طرفة حزنا بها كل مقصود
بين الشدايد والعلوم الطريفة
وكم ليلة فيها هواجيسي شهود
ألقى في سجل الطرب لك صحيفة
وكم ديرة فيها لنا فعل وشهود
نسطي بها لو هي عسيرٍ عنيفة
ما ردتك يا سعود ريعان وسدود
يوم إن غير كل عسرٍ يعيفه
وكم حانية قرنٍ لها فيك معدود
وفي فزتك طب النفوس العفيفة
اللي تشوف البوح بالسد منقود
لا صابها من جاير الوقت خيفة
جمايلك يا سعود عندي لها رود
اليا طرى ود الوليف لوليفه
يا سعود والله ما منعي عن الكود
كود الأمور الهينات السخيفة
اليا منعناها غدت زاد مقرود
واليا قبلناها علينا محيفة