لوحدي احضن الغربه اعيش الدور
كذا.. برسم وطن يأويني لحالي
كذا ياوحدتي لو صرت انا مكسور
بحاول..أجبر كسوري بترحالي
ولو هاالليل مايعرف بصيص النور..
ليا شع النهار.. أسلى مع ظلالي
اصوت والامل حيره ووحشة دور
وانا اللي من ولدت أحلامي أطلالي
غديت المنفي يراقب وحزنه سور
على الغالين.. يذرف دمعه الغالي
ينادي لامجيب وهاالمدى ديجور
يعاني حسرته وسط الخلا الخالي
سنيني ذابلة أوراق صحرا بور
يمر العمر.. ماادري وش التالي