حبيبتي صار شعري فيك.. يقراك
تخضع معانيه لك حشمه.. وتقدير
شاعرك مخلص وفي هايم بك.. اهداك..
اعذب شعر.. يابعد كل التصاوير
احبك اكثر من أية حب.. تفداك..
روحي.. ومهما عطيت أشعر بتقصير
ربي عطانيك نعمة عمر.. واعطاك..
جمال.. منه تغار احلى الغنادير
في طلتك نور تتباهى به خطاك
الدرب من شانها.. يزهر نواوير
سوالفك ملح ذاب بحالي شفاك
الصبح فيها نسى شدو العصافير
همسك نغم يسحر الآذان فتاك
يأخذني لآخر مداه العذب وأطير
لعيونك.. الغالي الأثمان.. يفداك
أغلى قدر يوم زانت لي المقادير
خلك معي.. يامنايه.. واترجاك
لاتطري البعد.. يااللي غيبتك غير
بُعدك سهاد وأنين.. وهم دكاك
صعب اتخيل بدونك كيف انا اصير
يهون موتي.. ولافقدي لرؤياك
يامكسبي ماسوى فقدك مخاسير
مهما عطاني زماني خير.. لولاك
ماانتي معي افقد اي شعور للخير