طالت اوجاعي ومال الليل واهتزت غصونه
والصبر توي دريت انه تجاوز كل حده
يا رسول الحب قله ما اتدخل في شؤونه
هو حبيبي صح لكن مزحه اعياني وجده
لاتسلم لي عليه ولا تبوس لي عيونه
بس قله لو يجيني بست عينه قبل خده
لو قدرت اصبر عليه احتار كيف اصبر بدونه
لو مردي له أكيد لقلبي العاشق مرده
أدري انه صاين حبي مثل قلب يصونه
ويدري اني ودي بشوفه ولا ادري ويش وده
لو يحس بلوعة العاشق ويفهم وش جنونه
كان ما حبيت داره كثر ما أكره مصده