تمخطري في عيون العيد.. لا تستحين
مادامك اجمل وارق انثى بملبوسها
شانيلك الموف يذبح.. وش بعد تحترين؟
الناس جنّت عليك وصدّعت روسها
لو شالك الفرو ما يشعر بدفء اليدين
ما كان يقرب شوي شوي ويبوسها!!
شعرك تدرّج يسولف من يسار ويمين
واصبح يرتب سوالف ناس ويحوسها
: من هالقمر؟: ما عرفتيها!!: أبد!!!: تمزحين!:
هذي فنار الليال وطلة شموسها
شوفي ابتسامة شفايفها مرافي حنين
شوفي رغدها بوقفتها وف جلوسها!
صاروا ضحاياك واجد دون ما تدركين
كم من قلوبٍ تحرى... رجلك تدوسها
وانا أنا عاشقك أوااااه لو تعلمين
قدام اعايدك قلت اكتب ف ملبوسها!!