صوتك العشق.. يا اول عشق.. خلى السحاب
ينثني.. فوق متن الحلم... ويسيّله
سولفي لي.. سواليفك عذاب ف عذاب
كل حرفٍ على شفتك... متهيّله
ياااااااه... يا ضحكتك ياهي ترد الشباب
تعدل الوقت بعض احيان... وتميّله
لا انفتح للجروح ف داخلي ألف باب
ينحني لك كثير الجرح وقليّله
دوك قلبٍ عثى فيه البطا... والغياب
ما معه غير شوقٍ دايم... يشيّله
يوم راحوا وشفت الكون حولي سراب
لا تخلين زايد... يجلس لحيّله
بلليني بصوتك دام صوتك سحاب
ينثني فوق متن الحلم ويسيّله