غيبتي اصاحبي وما بان ليك خبار
غيبتي اصاحبي والقلب بقى محتار
نلوح عليك عاري وتلوح عليا عارك
درقتي خيالك وعلى من نلوح اليوم العار
شفتك فمنامي وانت مهموم
وضحكتك تقولي را خيك مضيوم
قلت نواسيك بكليمة صباح ليوم
يمكن تبرد ما فدخالك من جمار
انت انسان بحالي كلك احساس
وكل همك فالدنيا تسعد الناس
تفصل وتخيط من فنك اجمل لباس
يواتي ويجي على قد الذات عبار
بغيت اصحيبي نكذب احساسي
وتكون الغيبة خير ونرد اللوم لراسي
الصاحب هو لي لصحيبو يازر ويواسي
ماشي لعبرة بالكم وبلمعارف لكثار