أسرفت فينا بكثر الطيب يا مسرف
إسرافة اللي ما يخشى الفقر والفاقه
تصرف طناخه.. ولا تعلم بما تصرف
يا قو عزمك. منين تجيب هالطاقة
شف كل ذودك خسرته وانت ما تعرف
حتى المجاهيم.. ما باقي ولا ناقه
ما فيك حيله.. ولو تتعب ولو تكرف
كاهلك مرهق وضيفك يشكي ارهاقه
مدري متى تعتلي في رجمك المشرف
اللي هجرته.. وغيرك.. ماحدن واقه
أصدق مع النفس والاغشها.. وازرف
واختار.. ما ترغبه نفسك.. وتشتاقه
الغاية إلهًا طريق سهل خمس احرف
في كلمتن طيبه.. أو.. ورد من باقة