سعداتك ايلا بغاتك
تفرش لك الخد وتغطيك بلحرير
وايلا مشات كرهاتك
تحير فامرها ما تعرف اش تدير
تمثيل الدنيا ايلا جات
ناس تجيهوم بالخير ولخمير
أو يلا نفرت ومشات
ما تساين منها تبدال ولا تغيير
زينها فتان وكمالو لغيرة
تبدل حوالها من نسمة لرياح
وعندها قدرة خارقة كبيرة
تخلي أيامك بهجة وأفراح
لميمة ولعمة ولخالة وزينة لبنات
ولحليلة لغالية عمارة كل دار
بلا بيهوم ما تلد ولا تزها حياة
ويلا خطاو ما يجيب لك حد خبار