اذاك الهايج وبشبابك مغرور
ماشي وحدك فالدنيا زربان
التأني عند العاقلين مشكور
والعجلة من فعال الشيطان
يا سايك لحديد رد بالك
عنداك تسوك وانت عيان
دير قبالتك دارك وعيالك
كيف يكون حالك وانت سكران
لوح لهموم وانت سايك وراك
نساها وسد عليها بيبان
شوف قدامك وانتابه وراك
وحضي بالخصوص قطوع الصبيان
رد بالك وعلم بالاشارة
را الماشي على رجليه خيفان
سير وتمهل فوسط الحارة
وانتبه لهذاك لي غادي تلفان
يا سايق لاش معمولين الضواو
معمولين بلعاني بالالوان
يبانو ليك ايلا شعلو وطفاو
خود حقك لا تغوفل وسير فالامان
قلل من السرعة ولزم ليمين
سير بالقانون ما يلحقك سبان
ما يديرلك حد ليدين والرجلين
شد اصاحبي حزام الامان
وقف فالوقوف وحضي الاسبقية
لا يجيك الموت قبل الاوان
السرعة نعمة وفالغالب ادية
تخلي وراها بنادم ندمان