تحت رعاية شامخً عيا الزمان
يجود باشباهه ولا اظنه يجود
لكن بطى وادي حنيفه ريهجان
طمّام متحديه بهاج الكبود
حي الامير اللي لمع صيته وبان
حرً شهر من طلعته يرقى سنود
من مدرسة من طوع العاصي ولان
سلمان ابن عبدالعزيز ابن سعود
عليه بعد الله بلازمه استعان
وحنا لهداته ولمحمد جنود
محمد اللي له مع العليا ضمان
راسً بقو الباس والحكمه يسود
النادر الصمصام صمام الامان
الكايد اللي شف باله مايكود
على جبينه مسحة الحاكم بيان
ابين من القطب الشمالي بالوجود
وطلة هلال العيد وهلال رمضان
في حاجبينٍ فيهن النصر معقود
اسقى العدا من سطوته كاس الهوان
ودون الوطن بالبذل والقوه يذود