يا ولد أبوي اللي لهداتي سلاح
خذ العلم من جرب بمتنه وسْندَهْ
ولا لقى مشخول أبا الميخ القراح
إلا عقب لقعه وسدره ولهَدَهْ
ما جا ولد نعمة وراحة واستراح
ياما امتطى درب المتاعب ولكدَهْ
كسبت عقب جهادها قلب وجناح
وعين تشوف أوضاع بكرى وبعَدَهْ
وكذبت فيها قولة اللي راح راح
وصدقت فيها من زرع زرع حصده
وجريت فيها اللي عزايمهم رماح
حدٍ لياناش اسود الحيد بحده
واللي بعد رجوى منافعهم ضحاح
واعمار خوتهم لهب ناره جعده
وشفت الشجاع يبينه صوت الصياح
وشفت البخيل تكذب لسانه يده
وأهل النفاق إن قيل حيا للفلاح
وأحدهم أبرد من محياه جهده
نبذتهم نبذ القفوش من السلاح
من عقب علمٍ فيه قومه وقعده