دارت أيامي وخانتني سنيني
والهوى يطغى على حاليه مره
قالت: انس اللي مضى بينك وبيني
السما به جارحٍ صياد غرّه
لو يجيك الشوق حاول ما تجيني
لا تحن، ولا تغار، ولا تشرّه
قلت والله لو شعوري في يديني
ل امسح الماضي بخيره قبل شره
قالت اسمع وسكتت قلت اسمعيني
الكرامة: ما تقارن بالمسرة!
مير حطي عينك النجلا ب عيني
واسمعي من قلب راع السر سره
مشكلة قلبي وما ينبش حنيني
إني القى لك بقفر البال جره
امنعي طيفك يتوب ولا يجيني
عقبها ما عاد أمر البيت مره