عصيبه حيل هالدنيا وما غير انها ذيبه
تناشبنا ولا ترضى، سوى من دمنا تشرب
وانا من بين خلق الله اعيش اليوم تغريبه
ولا لي حضن يحويني، ولا احساس منه اقرب
صويب قلب احساسي دقيقٍ حيل تصويبه
ولا كانت ليا فرصة بعد غدره ولا مهرب
انا من وين ما اولي اللاقي حظي ايجيبه
ردي حظي العاثر،، شروقه كان لي مغرب
مثل بعض الغذا امسى عليه الهم تشريبه
وفوقه رشة الضيقه طروقٍ منها يطرب
ألا يا هالزمن لِمتى خفوقي ذا توطي به
خفوقي ما بقى منه سوى اضغاث تتسرب
واللي زايدٍ غمي،، شعر راسي بدا شيبه
وانا ابعمر الزهور الحين وكفي بالعنا يضرب
وينفي شوقي ال آخر مداين تَفقد الطيبه
وتسكنها مرايا الهم ولا مأكل ولا مشرب
عماني عشق راودني على نفسه بلاني به
دهر ما رام غير اني اتوه وما رضاها الرب
بعد ما مات بي شوقي نفخ به من حلا طيبه
وعادت فيه نبضاتٍ،، ترد الروح لي واعرب
زماني عن كبر ذنبه ودمر به الاعيبه
ولا له غير يستسلم ومن كاسي انا يشرب