تِعود قلبي اطعونك وصار الفرح يستغرب
على بس مين تِلعبها تحبني حُب ينهيني
على نَغمات آهاتي يِراقص وجدك ويطرب
بعد هذا تِخادعني تجيني تقول تِغليني
إذا هَذا الغلا يعني يِجرح خافقي يَضرب
بأحلى شي في عمري ويَنزف لي شراييني
يعذبني،، بلا رحمه،، وشمسي قَبلها تَغرب
قَبل لا تَبرز أحلامي بِخفه بينِ جَفنيني
كرهتك ما ابي شوفك توارى ابتعد اغرب
اذا هذا الهوى منك هوى خَداع يكفيني
صحيح الكل في الدنيا تمنى من الهوى يشرب
ومثل اللي تِشربته ابد ما شافته،، عيني
ولا ظَني قِوى الإنسان تِكابر والكبر للرَب
كبيرة بس في جروحي اموت وضيقتي فيني
أنا مِثلي مثل غيري، مشيت ابحكمة امجرب
مواني الحُب،، لا تامِن حروفٍ لي تِعزيني
تِضمد شَي في ذاتي مِن الاموات يِتقرب
وكِل من مات في راحه حياتي ليه تشقيني؟
تِصدق كِنت بَفنيها بِلحظة والوداع أقرب
وكانت كِلها خَطوة،، حَبل وأربطه بإيديني
بَعدها بس تَلويحه،، وروحي مني تِتسرب
ولكِن ردني قلبي عن اللي كان يغويني
عشانك اترك العالم سؤال ورده الاغرب
كأنك يعني تِستاهل اضيع حظي وديني