يا غيابه خف عن قلبي شوي
لو خطا قلبي.. بحقه اعذره
كيف اعاون قلبه القاسي علي
ما قصدت اقسا ومنك المعذره
لا قصدته كم يسمعني حكي
كنه ابشوفي غصيبٍ يَحضره
والمصيبه لا طعنت انسان حي
واندفن حبك بجوف المقبره
هذا والهقوى تحن وارتجي
لا رأيت الشوق يمك تبصره
كم طعنونٍ يتركن في ويدي
تحتوي دمي بأرض المحبره
آه من جرحن تعلمته وفيّ
نزف دامي لا نسيته اذكره
كيف بالله يندمل جرحٍ شقي
اعذب احساسك وروحك خنجره
لا تظن ايروح من شكواه شي
ما نسى قلبي لزومٍ يثأره!!
لا خلا مِنك ولا جورك وبي
عاصفة احساس جارف مَكبره
في ثنايا الليل يهتاج ويضي
من جنون الوقت ينفث اكثره!!
والتقي بالنفس بالعمر اتعدي
تسحبه اضغاث عمرن مغبره!!
كم يعيبوني على حُبٍ وفي
يوم هالكلمة وصوفٍ ضامره
مو خطاي ان كان لي قلبٍ ندي
كم تمنى الخير كم هو يبذره
ينتظر يوم الحصاد الي عصي
ارتجى شوفه ولكن بعَثره!!
وانثره مطعون والفاه ايحبي
والضحك صداح وسط الجمهره
وانا ما اكظم جنوني واكتفي
بالسكوت اليوم عنه مُجبره!!
غير اني.. مثل هالدنيا.. ابي
اضربه في مقتلٍ ثم اكسره