هَم الطفولة، عَيشها في سرابك
تحرس رمشها وانت بالشهد تِطمع
قالوا ابوهاقلت بالعون عابك
تنهب ضنا روحك ولا عين تِدمع
ما قلت يعني هاذي زهرة شبابك
ما خفت يومٍ تنحشر فيه تُجمع
وش حامل ليومك لدفتر حسابك
وشهو خفوقك يا عسى بس تسمع
شلي جرا قلي وشلي اصابك
حتى الهوى عنها بلا قلب تمنع
دنستها مجنون فاقد صوابك
لك غادة الاحساس ملهى ومطمع
وآه يا بويه وآه العذابك
امسيت خِلي والهنا حيل تِقمع
حلمي مثل غيري يدين اتشابك
واسمع تهاليلٍ من الكون اجمع
واحس يا بويه بأني أهابك
مثل السنا للعين يبرق ويلمع
اربع سنينٍ عشتها في ضبابك
اطرح جروحي من مراري واجمع